دمعة يتيم

دمعة يتيم
دمعة يتيم أنزلت
على خده بقهر
تحفر على وجهه حظه
باقي العمر

الغيمة
هلت
ومن المطر
ما ملت
لكنها ..
مالحة
مثل السكين
جارحه
فيها كل أسى الأيام
الماضية
فيها كل معاناة الأيام
الجايه
دمعة يتيم لامست خده
لكنها ما لامست باقي
قلوب البشر
دمعة يتيم عبرت
عن حزنه
لكنها ما أعبرت
للضماير النايمه


دمعت يتيم ..
عليهم هانت
دمعة يتيم
ترجمة ظلم الأيــام
وباحت

يقولون
شنو يعني يتيم وبكــى..؟؟!!
شنو يعني...؟؟؟
مجرد دمعة
ساحت
وعلى خد طفل
نامت
ويمكن شوي عليه
ناحت..
لكن مو مشكله..!!!!
أشوا..
على الأرض طاحت.!!!!
وأكيد من جمر خده ارتاحت..!!!

لا يــــــا بشر
هذي دمعة
قهر
اصفى من ماي
المطر
ملوحتها اعذب من ماي
النهر
شذاها اعطر من
الزهر
هذي دمعة يتيم..
ما هي دموع عشاق
بليل السهر
ولاهي دمعة من فارق حبيب
وقمر
لا يا بشر
هي دمعة يتيم شكى
ظيم الدهر
مل من جور الأيام
وقسوة البشر
لكنه مؤمن وارتضى
حكم القدر
الوقت..

الوقت عندكم ليل
وسهر
طلعات وسفر
زيارات أحباب وأهل
وهو..
يومه ليل وكدر
وباكر مجهول
مجهول الخبر


لا يابشر
بدمعه يعاند الألم
بدمعه يدعي الأمل
بدمعه كل معاني الحياة
وده..
وده يودع النكران اللي فيكم
ويعيش بالفلات
ما مسحتو يا ناس دمعته
ولاعرفتو وشهي قصته
ماغير كلمة؛
ياحرام يتيم
يكسر الخاطر..!!!!

منو فيكم اخذ بيده..؟؟
منو فيكم بيوم أسعده ...؟؟
منو فيكم ضمه على صدره
وبالخير أوعده..؟؟
ما غير يا حرااام يتيـــم
يكسر الخاطر

القائمة الرئيسية

العودة ... للقائمة الرئيسية

خواطر أدبية من القلب  الى القلب